პარლამენტთან სცენის მონტაჟი დაიწყო.
რუსთაველის გამზირზე, 19 საათზე დაგეგმილი აქციის მოსამზადებელი სამუშაოები მიმდინარეობს. გაყალბებული არჩევნების გასაპროტესტებლად მოქალაქეები დღეს კიდევ ერთხელ შეიკრიბებიან და ოპოზიციის სამოქმედო გეგმას მოისმენენ.
იქამდე კი, 5 საათზე ოპოზიციონერი ლიდერები, ოპოზიციური პარტიების მხარდამჭერები და პროტესტის მონაწილეები ვაგზლის მოედანზე, „თბილისი ცენტრალის“ მიმდებარე ტერიტორიაზე შეიკრიბებიან, საიდანაც მოეწყობა მსვლელობა - საპროტესტო მარში პარლამენტის მიმართულებით.
