ისრაელის ქნესეთმა მხარი დაუჭირა კანონპროექტს, რომელიც გაერო-ს პალესტინელთა დახმარებისა სააგენტოს (UNRWA) ისრაელში საქმიანობას კრძალავს.
The Times of Israel-ის ინფორმაციით, კანონპროექტს მხარი 92 დეპუტატმა დაუჭირა, 10 კი - წინააღმდეგი წავიდა.
ისრაელი აცხადებს, რომ ღაზას სექტორში UNRWA-ს თანამშრომლების 10 პროცენტზე მეტს კავშირი აქვს ტერორიზმთან და რომ ორგანიზაციის ეგიდით მოქმედი საგანმანათლებლო დაწესებულებები რეგულარულად აღძრავენ ისრაელის სიძულვილს და ადიდებენ ტერორს.
კანონპროექტის დამტკიცებამდე, გაერო-ს გენერალურმა მდივანმა, ანტონიო გუტერეშმა განაცხადა, რომ მისი მიღება კატასტროფა იქნება, ხოლო ევროკომისიის ვიცე-პრეზიდენტმა ჯოზეფ ბორელმა აღნიშნა, რომ ამას დამანგრეველი შედეგები მოჰყვება.
