„მიხეილ სააკაშვილი არის ჩვენი პარტიის ლიდერი, დამფუძნებელი, მას გადაწყვეტილი აქვს საარჩევნო კამპანიაში აქტიური ჩართვა“, - ასეთია პარტია „ნაციონალური მოძრაობის“ გენერალური მდივანის პეტრე ცისკარიშვილი პოზიცია.
როგორც ცისკარიშვილმა ჟურნალისტებთან განაცხადა, სააკაშვილის პრემიერად დასახელება მხოლოდ მისი პირადი მოსაზრება არ არის.
„ჩემი თანაპარტიელების საკმაოდ სოლიდური რაოდენობაა, ვინც ამ აზრს იზიარებენ. საბოლოო გადაწყვეტილება მიხეილ სააკაშვილის მისაღებია. იმედი მაქვს, შემდეგი რამდენიმე კვირის განმავლობაში თუ ასეთი გადაწყვეტილება იქნება მიღებული, ამას თვითონ გამოაცხადებს“, - განაცხადა პეტრე ცისკარიშვილმა.
