თბილისში, ბაგებში ქართველი ბიზნესმენის, ლევან კაჭარავას მკლელობის შესახებ ახალი ვერსიები გაჩნდა.
არსებული ინფორმაციით, მისი მკლელობა ნიკო კვარაცხელიას მამამ გია კვარაცხელიამ დაუკვეთა.
როგორც AMBEBI.GE საკუთარ წყაროზე დაყრდნობით წერს, ლევან კაჭარავა ნიკო კვარაცხელიას საქმეზე მსჯავრლდებულებთან ახლო კავშირში იყო და მათ აფინანსებდა.
ამასთან ლევან კაჭარავა რამდენიმე დღეა, რაც საფრანგეთიდან ჩამოვიდა და დაცვის გარეშე არ გადაადგილდებოდა.
„როგორც ჩანს, გია კვარაცხელია მოქმედებაზე გადავიდა. ცნობილია, რომ „ტილიკა“ ძმებ კაკულიებთან ახლობლობდა.
გია კვარაცხელიას სამიზნე ძმები არიან, მათ ციხეში ვერ მისწვდა, სამაგიეროდ, მისი შურისძიება კაკულიებთან დაახლოებული პირით დაიწყო.
როგორც ამბობენ, სომხეთში გადასული მკვლელობის შემსრულებელი ბიჭები (აკო ჭელიძე და გიორგი კავილაძე) კაჭარავამ დააფინანსა.
კვარაცხელია, სავარაუდოდ, არც გაჩერდებოდა და შესაძლოა შურისძიების მსხვერპლთა რიცხვიც გაიზარდოს“, - აცხადებს AMBEBI.GE-სთან საუბრისას წყარო.
