„ლელოს“ ლიდერი, მამუკა ხაზარაძე წერს, რომ პარტია „ლელო“ შეუერთდება 16 ივნისს პრეზიდენტის მიერ დაანონსებულ აქციასაც და 20 ივნისს „სირცხვილიას“ აქციაზეც.
ამის შესახებ ის სოციალურ ქსელში წერს.
„დღეს როგორც არასდროს გვჭირდება ერთიანობა, როგორც არასდროს გვჭირდება სახელმწიფოებრივი ნაბიჯების გადადგმა.
ამ დღეებში ჩვენი ქვეყნის ევროპული პერსპექტივის საკითხი წყდება, ჩვენი ვალია ვანახოთ ევროპას ქართველი ხალხის ურყევი არჩევანი, დავდგეთ ერთად ყოველგვარი პარტიული, ეთნიკური თუ რელიგიური მრწამსის მიუხედავად.
ლელო იქნება 16-ის აქციაზეც და ყველას მოუწოდებს რომ მოვიდნენ 20 ივნისის აქციაზე
საქართველო და მისი ინტერესი უპირველეს ყოვლისა!!“, - წერს მამუკა ხაზარაძე.
