თერჯოლის გზაზე ავტოსაგზაო შემთხვევას მსხვერპლი მოჰყვა.
ამის შესახებ ინფორმაციას ტელეკომპანია „არგო“ ავრცელებს.
არსებული ინფორმაციით, ერთი ადამიანი ადგილზე გარდაიცვალა, ერთი კი მძიმედ დაშავდა. ის სასწრაფო სამედიცინო დახმარების ეკიპაჟებმა საავადმყოფოში გადაიყვანეს.
ექიმის ცნობით, კლინიკაში მძიმე მდგომარეობაში მყოფი პაციენტი შეიყვანეს, მას გადაუდებელი ოპერაცია ჩაუტარდა.
