„ქართული ოცნება“ არც პროევროპულია, არც პროამერიკული და არც პრორუსული, პროთავისია“, - ამის შესახებ „საქართველოსთვის“ ლიდერმა, გიორგი გახარიამ განაცხადა.
მან ასევე აღნიშნა, რომ მმართველ გუნდს სავარძლებში ჯდომისა და ფულის კეთების მეტი არაფერი აინტერესებს.
„ჩვენი უბედურება არის, ის, რომ პირველ რიგში, „ქართული ოცნება“, პროქართული არ არის, მთელი პრობლემა არის იმაში, რომ დღევანდელი ხელისუფლება არ არის პროქართული, უფრო მეტსაც გეტყვით, დღევანდელი ხელისუფლება არც პროევროპულია, არც პროამერიკული, არც პრორუსული, დღევანდელი ხელისუფლება არის პროთავისი.
მათ ძალაუფლების შენარჩუნების, სავარძლებში ჯდომისა და ფულის კეთების მეტი არაფერი აინტერესებთ“, - განაცხადა გიორგი გახარიამ.
