"რუსები ვერ შეაფერხებენ უკრაინისთვის ამერიკული სამხედრო დახმარების გაწევას", – ამის შესახებ აშშ-ის პრეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა განაცხდა.
აშშ-ის პრეზიდენტის მრჩევლის თქმით, იმ შემთხვევაშიც კი, თუ რუსული ჯარები ამერიკულ სამხედრო ტვირთს დაბომბავენ, ეს არ გამოიწვევს აშშ-ის სამხედრო დახმარების შეფერხებას.
„ჩვენ გვაქვს უკრაინისთვის იარაღის მიწოდების დივერსიფიცირებული და საიმედო ჯაჭვი. ამიტომ, თუნდაც რუსებმა მოახერხონ უკრაინის ტერიტორიაზე ერთ-ერთი პარტიის დაფარვა, ფუნდამენტურად, სტრატეგიულად, ეს არ შეგვიშლის ხელს სამხედრო დახმარების გაწევაში“, – განაცხადა სალივანმა.
