"დემოკრატიის ხარისხი მაღალ დონეზე არის აყვანილი", - ამის შესახებ "ქართული ოცნების" ლიდერმა ირაკლი კობახიძემ განაცხადა.
მან ასევე აღნიშნა, რომ ეკონომიკა დემოკრატიის ხარისხს ჩამორჩება.
"დემოკრატიის ხარისხი არის მაღალ დონეზე აყვანილი, თუმცა, სამწუხაროდ, ამას ჯერ კიდევ ვერ ეწევა ეკონომიკა. ეს არის ერთ-ერთი სერიოზული პრობლემა ჩვენი სახელმწიფოსთვისა და საზოგადოებისთვის. დემოკრატიის ხარისხი ეკონომიკის განვითარების მდგომარეობას წინ უსწრებს, რაც, რა თქმა უნდა, სერიოზული პრობლემაა", - განაცხადა ირაკლი კობახიძემ.
