„უკრაინაში ხდება დამოუკიდებელი სახელმწიფოს პირისაგან მიწისა წაშლის მცდელობა“, - ამის შესახებ ფოთისა და ხობის ეპარქიის მიტროპოლიტი გრიგოლი საკვირაო ქადაგებაზე საუბრობს.
ის ამბობს, რომ რუსეთი აგრესორია და იმედს გამოთქვამს, რომ ომი უკრაინის გამარჯვებით დასრულდება.
„არიან ისეთებიც, მესამენიც, რომლებიც მისტირიან წარსულს, რუსეთის გარეშე ვერ წარმოუდგენიათ ცხოვრება, რადგან იმ რუსეთს მისტირიან, სადაც თავს კომფორტულად გრძნობდნენ, რაც დიდი შეცდომაა. უკრაინაში ხდება დამოუკიდებელი სახელმწიფოს პირისაგან მიწისა წაშლის მცდელობა. ჭეშმარიტება იმაშია, რომ თავისუფლებას უპირისპირდება დიქტატურა“,- ამბობს ფოთისა და ხობის ეპარქიის მიტროპოლიტი გრიგოლი.
