„საქართველოში საწვავის ფასები 20-25 თეთრით გაიზრდება“, - ამის შესახებ „ანალიტიკის“ ეთერში „ვისოლის“ გენერალურმა დირექტორმა, ვასილ ხორავამ განაცხადა.
მან ასევე აღნიშნა, რომ ნავთობპროდუქტებზე ფასების 100-150 დოლარით ზრდა მინიმუმ 20-25-თეთრიანი სხვაობაა ლიტრზე, რომელიც, გარკვეულწილად, გაიზრდება.
„ფასების შენარჩუნება შეუძლებელი იქნება, კორექტირება მოგვიწევს, ეს არითმეტიკაა და აქ კომპანია ვერაფერს გააკეთებს.
ნავთობპროდუქტებზე ფასების 100-150 დოლარით ზრდა მინიმუმ 20-25-თეთრიანი სხვაობაა ლიტრზე, რომელიც, გარკვეულწილად, გაიზრდება.
თუმცა ეს არ მოხდება ერთ დღეში, ეს ეტაპობრივად მოხდება.
მიუხედავად ლარის კურსის გამყარებისა, შეიძლება ითქვას, რომ მაინც [საწვავის გაძვირების], დაახლოებით, 20-თეთრიანი ნიშნული იქნება“, - განაცხადა „ვისოლის“ გენერალურმა დირექტორმა, ვასილ ხორავამ.
