„ახლა ხომ მაინც დაინახეთ, რას აგაცილეთ თბილისში 2008 წელს?“, - ამის შესახებ საქართველოს ექსპრეზიდენტმა, მიხეილ სააკაშვილმა სასამართლო პროცესზე განაცხადა.
მან ასევე აღნიშნა, რომ რუსული ტანკები იდგნენ პრეზიდენტის სასახლიდან 15 წუთის სავალზე.
„ხალხო, ახლა ხომ მაინც დაინახეთ, რას აგაცილეთ თბილისში 2008 წელს? და იცით რის ხარჯზე?
მაშინ ეს მთავრობა რომ ყოფილიყო, იმავე წუთში გაიქცეოდა. მე როდესაც მეუბნებოდა სარკოზი, თვითმფრინავზე დაგსვამ და წაგიყვან, თუ არადა ხვალ მოგკლავენო, ვუთხარი, რომ რაც არ უნდა ექნათ, ფეხს არ მოვიცვლიდი.
რუსული ტანკები იდგნენ პრეზიდენტის სასახლიდან 15 წუთის სავალზე. რუსეთის სპეცრაზმი კი გადმოსული იყო კოჯორში. და მას შემდეგ, რაც ბუში გამოვიდა, რომელსაც ვუყვირე რამდენჯერმე ტელეფონში და დავამუნათე, ჩვენ შევძელით ჩვენი დედაქალაქისა და ჩვენი სახელმწიფოებრიობის გადარჩენა.
სამწუხაროდ, ახლა ეს სახელმწიფო ამათ ჩაუვარდათ ხელში“, - განაცხადა მიხეილ სააკაშვილმა.