„მაკდონალდსი“ რუსეთში ყველა, 850-ვე რესტორანს ხურავს.
ინფორმაციას უკრაინული და რუსული მედიასაშუალებები კომპანიის აღმასრულებელ დირექტორზე დაყრდნობით ავრცელებენ.
ცნობისთვის, მოსკოვში პირველი „მაკდონალდსი“ 1990 წელს გაიხსნა.
რუსეთში ასევე 1000-მდე KFC-ის რესტორანი დაიხურება.
ცნობილი ხდება, რომ გადაწყვეტილება კომპანია Yum! Brands-მა მიიღო, რომელიც KFC-სა და Pizza Hut-ს ფლობს.
კომპანიის მიერ გავრცელებულ განცხადებაში ნათქვამია, რომ ბრენდმა რუსეთში ყველა ინვესტიცია შეაჩერა.
ასევე, ისინი რუსეთში მიღებულ მოგებას უკრაინაში ჰუმანიტარული დახმარების გაგზავნაში დახარჯავენ.