პრემიერ-მინისტრის, ირაკლი ღარიბაშვილის განცხადებით, პროვოკაციების მიუხედავად, მშვიდობას შეინარჩუნებენ. პრემიერს არ დაუკონკრეტებია, რა პროვოკაციებს გულისხმობდა.
მანვე მთავრობის სხდომაზე აღნიშნა, რომ ქვეყანას საფრთხე არ ემუქრება.
„მიუხედავად ამ გამოწვევების და პროვოკაციებისა, ქვეყანაში ჩვენ შევინარჩუნებთ მშვიდობას, უსაფრთხოებასა და სტაბილურობას. მოსახლეობა უნდა იყოს მშვიდად, არავითარი საფრთხე არ გვემუქრება. ასე მშვიდად და მტკიცედ უნდა გავაგრძელოთ ქვეყნის შენება", - განაცხადა ირაკლი ღარიბაშვილმა.
