რუსთავის მე-12 სასჯელაღსრულებით დაწესებულებასთან მესამე პრეზიდენტის, მიხეილ სააკაშვილის მხარდამჭერები საპროტესტო აქციას მართავენ.
აქციის მონაწილეები აცხადებენ, მიხეილ სააკაშვილი რუსეთის პრეზიდენტის, ვლადიმერ პუტინის პირადი პატიმარია.
ექს-პრეზიდენტის მომხრეები მის გათავისუფლებას მოითხოვენ. აქციის მონაწილეებს ადგილზე მიტანილი აქვთ ბანერები წარწერით - „თავისუფლება 2008 წლის ომის მთავარსარდალს“; „მიშა ისჯება საქართველოს დაცვისთვის“, „Free Mikheil Saakashvili”.