6 მარტს კრემლის სასახლეში ქალთა საერთაშორისო დღისადმი მიძღვნილი კონცერტში ქართველი მომღერალი, თამარ გვერდწითელი მონაწილეობას აღარ მიიღებს.
ამის შესახებ პოსტი გვერდწითლის Facebook გვერდზე გამოქვეყნდა.
„6 მარტს კრემლში გამართულ კონცერტზე თამარ გვერდწითელი არ იმღერებს“, - წერია გვერდზე.
სარვამარტო კონცერტზე ვლადიმირ პუტინის რეჟიმის აქტიური მხარდამჭერები, მათ შორის ნიკოლაი ბასკოვი, ლევ ლეშენკო და იგორ კრუტოი წარსდგებიან.
კონცერტში მონაწილეთა სიაში იყვნენ ქართველი შემსრულებლებიც - თამარ გვერდწითელი და სოსო პავლიაშვილი, ასევე ჯგუფ А-СТУДИО-ს წევრი ქეთა თოფურია.
