„ჩვენ მხარს ვუჭერთ რუსეთის პრეზიდენტის სურვილს დაიცვას მშვიდობიანი მოსახლეობა, აღმოაჩინოს და დასაჯოს კრიმინალები, მოახდინოს უკრაინის დემილიტარიზაცია და დენაზიზაცია“, - ამის შესახებ ოკუპირებული აფხაზეთის ე.წ საგარეო საქმეთა სამინისტროს განცხადებაშია ნათქვამი.
უკრაინაში რუსეთის შეჭრის კომენტირებისას აფხაზეთის დეპარტამენტი აცხადებს, რომ „უკრაინის ბევრი მოქალაქე ელოდა და მიესალმება სამართლიან შურისძიებას“.
„ჩვენ მხარს ვუჭერთ რუსეთის პრეზიდენტის სურვილს დაიცვას მშვიდობიანი მოსახლეობა, აღმოაჩინოს და დასაჯოს კრიმინალები, მოახდინოს უკრაინის დემილიტარიზაცია და დენაზიზაცია. რუსეთის შეიარაღებული ძალების მოქმედებები სპეცოპერაციის ფარგლებში ექსკლუზიურად მიზნობრივი ხასიათისაა და მიზნად ისახავს მხოლოდ სამხედრო ინფრასტრუქტურის ობიექტებზე დარტყმას, განსხვავებით უკრაინული მხარის ქმედებებისგან“, - ნათქვამია განცხადებაში.
