კიევში სიტუაცია უკრაინის შეიარაღებული ძალებისა და მოქალაქეების კონტროლს ექვემდებარება, - ამის შესახებ ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა Ukrinform-თან განაცხადა.
„ჩვენ ვაჩერებთ ურდოს, როგორც შეგვიძლია, სიტუაცია უკრაინის სამხედრო შეიარაღებული ძალების და კიევის მოქალაქეების კონტროლის ქვეშაა“, - განაცხადა დანილოვმა.
მედიაში მანამდე გავრცელდა ინფორმაცია, რომ კიევში გამარჯვების მოედნის, რკინიგზის სადგურისა და ბოგდან ხმელნიცკის ქუჩის მიდამოებში სროლის ხმა ისმოდა.
