რუსი ჟურნალისტი და მშვიდობის პრემიის ლაურეატი, დიმიტრი მურატოვი რუსეთის უკრაინაში შეჭრას გმობს.
მურატოვის თქმით, რუსეთის ქმედების გამო, გარდა მწუხარებისა, სირცხვილსაც განიცდის.
BBC წერს, რომ ის პუტინს ადანაშაულებს „ატომური ღილაკით თამაშში ისე, თითქოს ეს ძვირადღირებული მანქანის გასაღები იყოს“ და ეკითხება პუტინს: „რა იქნება შემდეგი - ბირთვული დარტყმა?“.
ცნობისთვის, რუსეთმა უკრაინაში სამხედრო ოპერაციის დაწყების შესახებ განაცხადა. ვლადიმერ პუტინმა უკრაინის ტერიტორიაზე შეტევა გამთენიისას, დაახლოებით 05:00 საათზე დაიწყო და ამ დრომდე გრძელდება.
