დიდი ბრიტანეთის საგარეო საქმეთა მინისტრმა, ლიზ ტრასმა რუსეთის ელჩი დაიბარა.
„ჩვენ დავაწესებთ მკაცრ სანქციებს და გავაერთიანებთ ქვეყნებს უკრაინის მხარდასაჭერად“, - დაწერა ტრასმა „ტვიტერზე“.
პრემიერ-მინისტრი, ბორის ჯონსონი რუსეთის წინააღმდეგ უფრო მკაცრ სანქციებს დღეს მოგვიანებით გამოაცხადებს.
ცნობისთვის, რუსეთმა უკრაინაში სამხედრო ოპერაციის დაწყების შესახებ განაცხადა. ვლადიმერ პუტინმა უკრაინის ტერიტორიაზე შეტევა გამთენიისას, დაახლოებით 05:00 საათზე დაიწყო და ამ დრომდე გრძელდება.
