უკრაინის ყოფილმა პრეზიდენტმა და ამჟამინდელმა დეპუტატმა, პეტრო პოროშენკომ განაცხადა, რომ „დღეს ტრაგიკული დღეა“, მაგრამ უკრაინა გაიმარჯვებს.
პოროშენკომ უკრაინის პარლამენტთან განცხადება გააკეთა და რუსეთის პრეზიდენტი, ვლადიმერ პუტინი „თანამედროვე ჰიტლერს“ შეადარა.
BBC-ის ინფორმაციით, ამ წუთებში უკრაინის პარლამენტში სიტუაცია დაძაბულია და შიგნით უამრავი შეიარაღებული ადამიანია.
ცნობისთვის, რუსეთმა უკრაინაში სამხედრო ოპერაციის დაწყების შესახებ განაცხადა. ვლადიმერ პუტინმა უკრაინის ტერიტორიაზე შეტევა გამთენიისას, დაახლოებით 05:00 საათზე დაიწყო და ამ დრომდე გრძელდება.
