ისრაელის სამხედრო ავიაციამ სირიაში ალეპოსა და იდლიბის პროვინციები დაბომბა.
სირიის სამთავრობო მედიის ინფორმაციით, ისრაელის სამხედრო ავიაციის თავდასხმის შედეგად რამდენიმე ჯარისკაცი დაშავდა.
გავრცელებული ცნობით, ალეპოსა და იდლიბის გარეუბნებზე ისრაელის სამხედრო ავიაციამ იერიში ალეპოს სამხრეთ-აღმოსავლეთ ტერიტორიიდან მიიტანა. ვრცელდება ინფორმაცია მატერიალური ზარალის შესახებ.
ისრაელი რეგულარულად ახორციელებს სარაკეტო და საჰაერო თავდასხმებს სირიის ობიექტებზე და აცხადებს, რომ სამიზნე ირანთან დაკავშირებული შეიარაღებული ჯგუფები და სამხედრო ტვირთებია.
