„ლივერპულმა“ „ვალენსიასგან“ ქართველი მეკარე, გიორგი მამარდაშვილი შეიძინა, თუმცა, ის იჯარის წესით კარიერას კვლავ „ვალენსიაში“ გააგრძელებს და მერსისაიდულ გუნდს მომდევნო სეზონში, 2025 წლის ზაფხულში შეუერთდება.
ინფორმაცია „ლივერპულმა“ კლუბის ოფიციალურ ვებგვერდზე დაადასტურა.
„ლივერპულმა გიორგი მამარდაშვილის ტრანსფერზე შეთანხმებას მიაღწია. ის ჩვენს კლუბს 2025-2026 წლების სეზონში შეუერთდება“, - წერია „ლივერპულის“ განცხადებაში.
