სამთავრობო მედია ტელეკომპანია „იმედმა“ ბიძინა ივანიშვილი ოლიგარქად მოიხსენია.
ტელეკომპანიამ გავრცელებული სტატია მალევე დაარედაქტირა და სიტყვა ოლიგარქი სტატიიდან ამოიღო.
„ივანიშვილის და Credit Suisse-ის დავა თაღლითურ ტრანზაქციებს უკავშირდება, რომლებშიც Credit Suisse-ის სინგაპურის ოფისიც იყო ჩართული. აღნიშნული ტრანზაქციები მილიარდერის ყოფილმა პირადმა ბანკირმა, პატრიკ ლესკადრონმა ივანიშვილის ავტორიზაციის გარეშე განახორციელა, რითაც ოლიგარქის ქონებას მრავალმილიონიანი ზარალი მიაყენა“, - წერს „TV იმედი“ 13 ნოემბრის 19:50-ზე გამოქვეყნებულ სტატიაში.
