„ისრაელს არ აინტერესებს ომი ლიბანთან... თუ ჰეზბოლა აირჩევს ომის გზას, ის გადაიხდის ძალიან მძიმე ფასს“, - ამის შესახებ ისრაელის თავდაცვის მინისტრი იოავ გალანტი საუბრობს.
მისი თქმით, იმის გამო, რომ დაძაბულობა იზრდება, ტერორისტულ ჯგუფს „ჰამასის“ მხარდასაჭერად ბრძოლაში შესვლა შეუძლია.
„ჩრდილოეთში ომის ინტერესი არ გვაქვს, ჩვენ სიტუაციის ესკალაცია არ გვინდა.
თუ ჰეზბოლა აირჩევს ომის გზას, ის გადაიხდის ძალიან მძიმე ფასს…
მაგრამ თუ ის თავს შეიკავებს, ისრაელი პატივს სცემს სიტუაციას და შეინარჩუნებს საქმეს ისე, როგორც არის, მიუხედავად სროლისა ორივე მხრიდან“, - განაცხადა იოავ გალანტმა.
