საქართველოში, პატარძეულთან აქამდე დაუმუშავებელ ტერიტორიაზე ნავთობის მარაგი აღმოაჩინეს.
ბრიტანულმა კომპანიამ, Block Energy-მ, რომელიც საქართველოში ნავთობისა და გაზის ძებნა/მოპოვებას ახორციელებს, განცხადებას ავრცელებს.
კომპანიის მიერ გავრცელებულ პრესრელიზში აღნიშნულია, რომ ეს აღმოჩენა შესაძლებელი JSR-01 DEEP ტესტირების პროგრამის ფარგლებში გახდა.
JSR-01 DEEP ჭაბურღილი პატარძეულის საბადოს სამხრეთ-დასავლეთით მდებარეობს. ის JSR-01 ჭაბურღილთან შედარებით, 470 მეტრზე ღრმად, დახრილი კუთხით გაიბურღა, რაც სხვადასხვა ზონების ტესტირების და შესაბამისად, დარჩენილი ნავთობის პოტენციალის შეფასების საშუალებას იძლევა. ტესტირების საფუძველზე, კომპანიას ახლა პროექტი II-ის განვითარება შეუძლია.
ჭაბურღილის დღიური წარმადობა 45 ბარელია.
