ბრუკლინში მოკლულია საქართველოს მოქალაქე, კიდევ ერთი ქართველი მამაკაცის გადარჩენას ექიმები ამ დრომდე ცდილობენ.
გავრცელებული ინფორმაციით, თავდამსხმელებიც ქართველები არიან.
სისხლიანი დაპირისპირება ნიუ-იორკის ერთ-ერთ ყველაზე ხალმხრავალ უბანში იმ დროს მოხდა, როდესაც საქართველოს ორ მოქალაქეს ბანკიდან ფული გამოჰქონდა. მათ ადგილზე სამი შეიარაღებული პირი დახვდა. ადევნებისა და ყაჩაღობის მცდელობას რამდენიმე გასროლა მოჰყვა. 45 წლამდე მამაკაცს ორი სასიკვდილო ტყვია მუცლის არეში მოხვდა.
მძიმედ დაჭრილი საავადმყოფოში გადაიყვანეს, თუმცა მისი გადარჩენა ექიმებმა ვეღარ შეძლეს. ის კლინიკაში გარდაიცვალა.
დაჭრილია მისი თანხმლები ასევე ქართველი 30 წლის კაცი, თუმცა მდგომარეობა სტაბილურია.
