უკრაინის საგარეო საქმეთა მინისტრის, დმიტრო კულებას განცხადებით, როცა რეალურად დაინახავენ რუსი სამხედროების გაყვანის პროცესს, ინფორმაციას მაშინ დაიჯერებს.
„რუსეთის მხრიდან გამუდმებით ისმის სხვადასხვა განცხადებები, ამიტომ ჩვენ უკვე გვაქვს წესი: ვნახავთ, მერე დავიჯერებთ. თუ დავინახავთ უკან დახევას, დავიჯერებთ დეესკალაციის“, - განაცხადა კულებამ.
მინისტრის თქმით, იმ შემთხვევაში, თუ რუსეთი დონეცკისა და ლუგანსკის თვითგამოცხადებულ რესპუბლიკებს აღიარებს, მოსკოვი მინსკის შეთანხმებიდან დე ფაქტო და დე იურე გავა.
