სერბეთის პრეზიდენტმა, ალექსანდრ ვუჩიჩმა EuroPride-ის ღონისძიება გაუქმებულად გამოაცხადა.
EuroPride ბელგრადში 12-18 სექტემბერს უნდა გამართულიყო.
პრეზიდენტმა გადაწყვეტილება აგვისტოს დასაწყისში გამართულ Pride-ის საწინააღმდეგო აქციების შემდეგ მიიღო.
ვუჩიჩის თქმით, ის თავად არ არის კმაყოფილი ამ გადაწყვეტილებით, თუმცა სერბეთს სხვა საკითხებზე კონცენტრირება უწევს, მათ შორის კოსოვოში პრობლემების, ასევე ენერგეტიკისა და სურსათის საკითხების გამო.
EuroPride-ის ორგანიზატორები ამბობენ, რომ აღლუმი მაინც გაიმართება და მისი გაუქმება არაკანონიერია.
EuroPride 2022-ის ერთ-ერთი ორგანიზატორის, მარკო მიხაილოვიჩის თქმით, სახელმწიფოს არ შეუძლია ღონისძიების გაუქმება და ამის ნებისმიერი მცდელობა კონსტიტუციის აშკარა დარღვევაა.
