მიხეილ სააკაშვილის ადვოკატის, შალვა ხაჭაპურიძის ინფორმაციით, უცხოელი ექსპერტები ამ დრომდე ელოდებიან საქართველოს ჯანმდაცვის სამინისტროდან ნებართვას მიხეილ სააკაშვილის საქმეში ჩასართავად.
ხაჭაპურიძის ინფორმაციითვე, მესამე პრეზიდენტის ჯანმრთელობის მდგომარეობა ბოლო დღეებში, მძიმეა.
„ფსიქიატრი, ნევროლოგი, გასტროენტოროლოგი ამერიკიდან. კიდევ ერთი, დაკავშირებულია ადამიანის უფლებების დაცვის კუთხით სასამართლო-სამედიცინო ექსპერტი და შვეიცარიიდან სასამართლო სამედიცინო ექსპერტი. როგორც კი ნებართვას მივიღებთ ჯანდაცვის სამინისტროდან, ჩათვალეთ, მეორე დღეს გამოფრინდებიან.
როგორც თვითონ მითხრა, ეს დღეები იყო ძალიან ცუდად. რაღაც ანთებით პროცესებზეა საუბარი, სიცხე ჰქონდა.
ჩვენი საკითხი არის ცალსახად ჯანმრთელობის მდგომარეობა და მზადება სასამართლო პროცესისთვის, რომელიც წესით ძალიან მალე უნდა გაიმართოს“, - თქვა ადვოკატმა.
