რუსეთმა და ბელარუსმა ერთობლივი სამხედრო წვრთნები დაიწყეს, - ამის შესახებ ინფორმაციას „ბიბისი“ ავრცელებს.
მედიის ცნობით, წვრთნები ათდღიანი იქნება. მასში მონაწილეობას 30 000 რუსი სამხედრო მიიღებს. გარდა ამისა, წვრთნებში მონაწილეობას „ეს-400“ სახმელეთო-საჰაერო სარაკეტო სისტემების ორი ბატალიონი და 35 ავიაგამანადგურებელი მიიღებს.
აშშ რუსეთის ამ ქმედებას უკრაინაში არსებული ვითარების „გამამწვავებელ“ ქმედებად აფასებს. დასავლური ქვეყნები შიშობენ, რომ მოსკოვი შესაძლოა, უკრაინაში შეიჭრას.
