ამ წუთებში ვარკეთილში სპეცოპერაცია მიმდინარეობს - ძებნილი თავის აფეთქებით იმუქრება

ამ წუთებში ვარკეთილში სპეცოპერაცია მიმდინარეობს - ძებნილი თავის აფეთქებით იმუქრება
7-05-2022, 17:08 - 2022
1 458

ამ წუთებში სპეცოპერაცია მიმდინარეობს ვარკეთილში.
 
კრიმინალური პოლიცია და საპატრულო ეკიპაჟები  შუამთის ქუჩაზე არიან მობილიზებული.
 
არსებული ინფორმაციით, ბინაში ორი ძებნილი პირი იმყოფება, რომელთაგან ერთ-ერთი, კარის გაღების შემთხვევაში თავის აფეთქებით იმუქრება.
 
შეგახსენებთ, რომ 15 აპრილს, თბილისი-სენაკი-ლესელიძის ავტომაგისტრალის 39-ე კილომეტრზე, „ტოიოტას“ მარკის ავტომობილის მძღოლი პოლიციელის ავტომანქანას შეეჯახა და შემთხვევის ადგილიდან თანმხლებ პირებთან ერთად მიიმალა. ავტოსაგზაო შემთხვევის შედეგად, საპატრულო პოლიციის დეპარტამენტის მცხეთა-მთიანეთის მთავარი სამმართველოს სახაზო სამმართველოს უფროსმა - დავით მიქიაშვილმა ჯანმრთელობის დაზიანება მიიღო.
 
მომხდართან დაკავშირებით სამართალდამცველებმა, მოსამართლის განჩინების საფუძველზე, 1988 წელს დაბადებული მ.ხ. ზუგდიდში დააკავეს. გამოძიებით ასევე დადგინდა, რომ ბრალდებული მ.ხ. მძღოლის ერთ-ერთი თანმხლები პირია, რომელმაც მომხდარი ავტოსაგზაო შემთხვევის შესახებ პოლიციას არ შეატყობინა და სხვა პირებთან ერთად მიიმალა, ხოლო ორი თანმხლები პირი ამ დრომდე იძებნებოდა.

კომენტარები
ბოლოს დამატებული
რეკლამა