უკრაინის თავდაცვის სამინისტროს მთავარი სადაზვერვო სამმართველოს განცხადებით, რუსეთ-უკრაინის მოლაპარაკებებზე უკრაინის დელეგაციის წევრი დენის კირეევი მათი თანამშრომელი იყო და სპეციალური მისიის შესრულებისას დაიღუპა.
მანამდე უკრაინულ მედიაში გავრცელდა ინფორმაცია, რომ კირეევი ღალატში იყო ეჭვმიტანილი და დაკავების დროს მოკლეს. აღნიშნული ინფორმაცია უკრაინის თავდაცვის უწყებამ არ დაადასტურა.
„სპეციალური დავალების შესრულებისას დაიღუპა უკრაინის თავდაცვის სამინისტროს მთავარი სადაზვერვო სამმართველოს სამი თანამშრომელი: ალექსეი დოლია, ვალერი ჩიბინეევი და დენის კირეევი. ისინი დაიღუპნენ უკრაინის დასაცავად“, - აცხადებენ უწყებაში.
