აშშ ირანს სავალალო შედეგებით ემუქრება, თუ რეგიონში განთავსებულ ამერიკულ ძალებს საფრთხე დაემუქრებათ.
შესაბამისი განცხადება გაერო-ს უშიშროების საბჭოს საგანგებო სხდომაზე ამერიკელმა დიპლომატმა, მაკკოი პიტმა გააკეთა.
„თითოეულ სუვერენულ სახელმწიფოს აქვს თავდაცვის უფლება, ისრაელი გამონაკლისი არ არის“, - განაცადა პიტმა.
მისივე თქმით, აშშ ინფორმირებული იყო ისრაელის თავდასხმების შესახებ წინასწარ, მაგრამ სამხედრო თვალსაზრისით ჩართული არ ყოფილა ამ დარტყმებში.
„ჩვენი აბსოლუტური, მთავარი პრიორიტეტი - რეგიონში ამერიკის მოქალაქეების, პერსონალისა და შეიარაღებული ძალების დაცვაა“, - აღნიშნა პიტმა.
ამერიკელი მაღალჩინოსნის თქმით, ირანმა ამერიკული ძალები მიზანში არ უნდა ამოიღოს.
„შედეგები ირანისთვის სავალალო იქნება“, - განაცხადა აშშ-ის წარმომადგენელმა გაერო-ში.
