რუსეთმა უკრაინაში ყველა დიპლომატიური მისიის თანამშრომლების დაუყოვნებელი ევაკუაცია დაიწყო, - ამის შესახებ ინფორმაციას ადგილობრივი მედია ავრცელებს.
22 თებერვალს, რუსეთის საგარეო საქმეთა სამინისტრომ გამოაცხადა ოდესის, ლვოვისა და ხარკოვის გენერალური საკონსულოს თანამშრომლების ევაკუაციის გეგმები, თითქოსდა „მათი სიცოცხლისა და უსაფრთხოების დასაცავად“.
უკრაინული მედია წერს, რომ თებერვალში რუსეთის საგარეო საქმეთა სამინისტრომ შეამცირა რუსეთის საკონსულოებისა და საელჩოების პერსონალი უკრაინაში, „გარკვეული მომზადებული სამხედრო მოქმედებების“ შიშით.
