უკრაინა მოსახლეობისთვის ცეცხლსასროლი იარაღის ლეგალიზებას აპირებს. ადგილობრივი მედიის ცნობით, რადა კანონპროექტს დაჩქარებული წესით განიხილავს.
მათივე ცნობით, ინიციატივას მხარს თავდაცვის მინისტრი, ალექსეი რეზნიკოვიც უჭერს. საუბარი ეხება იარაღის შენახვას და არა ტარებას.
რეზნიკოვის განმარტებით, იარაღის ფლობა ამ დრომდე უწყებრივი აქტებით რეგულირდება, რაც უნდა შეიცვალოს, რათა მისი ლეგალური ბრუნვის შესახებ ინფორმაცია უფრო სანდო გახდეს.
