განახლებული მოტივაციებით საზოგადოების სამსახურში - სანდო, ობიექტური და დროული ინფორმაცია
რეკლამა
<

ყველაზე კარგად აჩიკომ იცის, რომ ერთპარტიული პარლამენტის თავმჯდომარეა - ბესელია

ყველაზე კარგად აჩიკომ იცის, რომ ერთპარტიული პარლამენტის თავმჯდომარეა - ბესელია
13-01-2021, 16:40
ავტორი: მერი ტაბატაძე

„სამართლიანობისთვის“ ლიდერმა, ეკა ბესელიამ განაცხადა, რომ „ქართული ოცნების“ ბევრ წევრს, არ აქვს იმის განცდა, თუ რა ტემპერატურაა პოლიტიკაში ახლა.

მანვე „ტვ. პირველის“ ეთერში აღნიშნა, რომ ყველაზე კარგად სწორედ არჩილ თალაკვაძემ იცის, რომ ერთპარტიული პარლამენტის თავმჯდომარეა.

„მან იცის, რომ ეს მოხდება, მან იცის, რომ კონფლიქტი გარდაუვალია იმიტომაც ახსენა სამჯერ ეს თემა. როდესაც ის მეორედ მობრუნდა, სწორედ შიდა კონფლიქტების ფონზე მოხდა ეს და ის იყო ერთადერთი ვისაც პარტიის შიგნით პროცესის შეკავება შეეძლო. პრობლემა ის იყო რომ მის შემდეგ არავინ სხვა არ იყო, ვისაც ცოტა დაბალი რანგიდან გამაწონასწორებლის ფუნქცია შეესრულებინა. ახლა გუნდში გამაწონასწორებელი ფიგურა არ არის. ერთადერთო შედარებით არის ისევ გახარია, მას ალბათ დიდხანს არ გააჩერებენ.

ბევრი მათგანი იმასაც ვერ ხვდება, რას ნიშნავს ერთპარტიული პარლამენტში ყოფნა. ყველაზე კარგად აჩიკომ იცის, რომ ერთპარტიული პარლამენტის თავმჯდომარეა. ამიტომ ბევრ მათგან განცდა არ აქვს, პოლიტიკური ტემპერატურა რა ნიშნულზეა“, - განაცხადა ბესელიამ.

გაზიარება
მოინახულეს 143-ჯერ
კომენტარები