სიღნაღის მუნიციპალიტეტის სოფელ ჯუგაანში 68 წლის ქალი მოკლეს. მკვლელობა სავარაუდოდ, ძარცვას უკავშირდება.
არსებული ინფორმაციით, თავდამსხმელი მსხვერპლს სახლში დაელოდა და შინ შესულს დანის გამოყენებით, სასიკვდილო ჭრილობები მიაყენა. თავდამსხმელი შემთხვევის ადგილიდან მიიმალა. ის მოგვიანებით სამართალდამცავებმა თბილისში დააკავეს. დაკავებული დანაშაულს აღიარებს.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 108 მუხლით მიმდინარეობს, რაც განზრახ მკვლელობას გულისხმობს.